Rkunchos 2011: III Edición do Concurso de Fotografía con móbil O Centro Municipal de Información Xuvenil do Concello da Coruña, coa colaboración de Renfe Alta Velocidad/Grandes Líneas e o Consorcio de Turismo da Coruña, pon en marcha a terceira edición do Concurso de Fotografía con Móbil Rkunchos, no que poderán participar mozos e mozas da Coruña de entre 15 e 25 anos (ambos incluídos). A través desta iniciativa, poderasnos ensinar o teu recuncho favorito da cidade baixo o teu prisma e terás a oportunidade de gañar dous billetes de InterRail para viaxar por Europa este verán. OBXECTIVOS O concurso de fotografía Rkunchos pretende recoller creacións, manifestacións e perspectivas da mocidade a través das novas tecnoloxías que forman parte do seu cotián. Estas creacións consistirán nunha imaxe de foto fixa tomada preferiblemente mediante un teléfono móbil. TEMÁTICA A temática das fotografías deberá estar relacionada dalgunha maneira cun recuncho, lugar, espazo físico ou anímico vinculado á cidade da Coruña. Todas as fotografías deben ser inéditas e orixinais e terán que presentarse en formato dixital a través do formulario en liña habilitado para tal fin na pestana Inscrición e segundo os requisitos deste. + info http://www.coruna.es/rkunchos[+]info:
http://corunacity.com
